ГӀалгӀай мехка керда кагирхой моттиг хьаелларгья
Шолже дӀайолаеш я керда проект - кагирхой центр «Арт- резиденци», яхаш, дийцар ГӀалгӀай республикан Кулгалхочун, Паччахьалкхен зарбан болх лелабераша.
Из центр хургья начӀал дола говзанчаш гулбеш йола майда, цига цар таро хургья кердадараш довза, шоашта ховш дар гойта, балха говзал дӀа-юха эца. «Арт- резиденце» тайп-тайпара говзанч-хьехамаш, фестивалаш, культуран кхетаченаш дӀахьоргья, цар таро лургья кагирхошта шоай кхоллам дегӀабоалабе.
ГӀалгӀайчен кулгалхочо Келаматанаькъан Махьмуд-Ӏаьлас, вице-премьера Зурабанаькъан Ювсапа, Кагирхой комитета кулгалхочо Малсаганаькъан Адама, кхетачен чаккхенах дувцаш, белгалдир, «Арт-резиденци» духхьала кхолламан болх бувцара йола майда хинна Ӏергьяц, мохк дегӀабоалабу массехк керттера оагӀув вӀашагӀтохаш йола проект а хургья из.
«Цо кагирхошта керда таронаш лургья шоай кхоллам дикагӀа дегӀаболабе, цунца цхьана туристаш тӀаозара йола ГӀалгӀайчен оагӀув а хургья из», - аьлар мехка кулгалхочо, ший вахара бувзамашка.
