Стартапа мах бала ца беза программа я хьаеллаш
Бизнес йоаржаяра тӀехьа, мах бала ца безаш, прогорамман оагӀув я «Бизнес-ГӀалгӀайчен акселератор» яхача моттиге. Из хоам «Сердалога» бир къахьегама гӀулакхех йолча министерствос.
«Укх бетта 8-гӀа ди тӀакхачалехь, каьхаташ чуденна, ший гӀулакх дӀадоладе йиш я», - йоах хоамо. Цхьа хӀама доладаь, аьттув болаш из дӀадахьа безам барашта эшаш программа я из. Цу юкъе хила йиш я студенташ, тайп-тайпара говзал Ӏомаяь кагирхой, ӀТ-говзанчаш, менеджераш, бизнесменаш. 70 ди далалехь, беркате хургда аьнна хӀама леха, бокъонца дӀадоладича; из мел аьттув болаш хургда тахка йиш я цу программага гӀолла. Проект йовзийта дагахьа кийчъе, бизнес лелаеча эшаш дола лоархӀамедараш Ӏомаде вӀаштӀехьадаргда цига.
«Цу беркатеча гӀулакха юкъе дакъа лаца безам барашка хьеж онлайн-вебинараш, воркшопаш, лакха говзал йолча хьехархошцара болх, бизнес дӀайолае, тоае эшаш мел дараш белгалдеш йола программа. Каьхаташ чудала деза сайт:
https://Ӏngaccelerator.ru/startbusӀness», – йоах хоамо
