Илдарха-ГӀалий тӀара, Берда-Юртара хин турбаш меттаоттае лерхӀ
Наьха вахара хьал тоадарах йолча къаман, федеральни МКИ проекташка гӀолла Илдарха-ГӀалий тӀара, Берда-Юртара хин турбаш меттайоалае лерхӀ 2025-ча шера. Из хоам бу РФ Минстроя Проектни дирекце зарбан болх лелабераша.
«Илдарха-ГӀалий тӀарча 43 эзар совгӀа бахархошта боаггӀача боараме хий хьадоагӀаргдолаш 102, 6 км хин лини я тоае лерхӀар, иштта боккха болх дӀахьош тоае лаьрхӀад Берда-Юртара 3,4 км латта моттиг, 8,43 км йолча ерригача моттигах 1,3 хул из. Юртарча 1 138 бахархошта хицара кхоачамбоацараш нийсдергда цу гӀулакхо», - белгалдир Россе Минстроя проектни дирекцена хьалха латтача Сифуллина Динас.
Теркалде деза, «Шолжа-Шахьар-МагӀалбик» яхача хий лоаттадеча моттига «Восточни» оалача водозабора Илдарха-ГӀалийна хий лоаттаделга - 16 эзар куб хий 24 сахьата.
Хий лакхедаккхарах йолча хьалхарча оагӀон насосни станце 20 артезиански гӀувна 120 куб.м 24 сахьата хий да лоаттадер. 1000 куб. метрах йолча, шоллагӀча оагӀон насосни станце хий дӀачудохийт «Шолжа-шахьар - МагӀалбике» яхача лостамагӀа. Илдарха-ГӀалий тӀара 50-гара 330 мм кхоачаш, йӀоахал 105, 49 км йола хин турбаш болатах яь я. Хий тоадеш дӀахьоргболча къахьегамо дикка тоадерга хин оагӀонцара хьал.
