«2026-ча шера йистебала безаш ба из болх. Вай мехкахошта болх бе моттигаш яларал совгӀа, ишколашкара, берий бешамашкара, дарбанчешкара хиш цӀендеш йола хӀамаш лоаттаергья цу проекто. Из хӀама чӀоагӀа лоархӀаме да вай мехкара Ӏалам, хиш, хьасташ бӀехцадалийтара тӀехьа», - белгалдир мехкадас Келаматанаькъан Махьмуд-Ӏаьлас, цу лоархӀамеча балхах двцаш.

Цу гӀулакха бизнес-план оттаяьй болхлоша. 2,5 эзар кв метр дӀалоацаш хургйолча завода 100 совгӀа балха моттигаш лургья вай мехкахошта. Проекта-ахчан, иштта кхыдола каьхаташ кийчдеш боахк карарча хана. 

Мехкадас Келаматанаькъан Махьмуд-Ӏаьлас белгалдечох, ЖӀайрахьа кхалерча юрташка хиш цӀендеш дола гӀирсаш (ЛОС) оттаде болабеннаб.

Болх дӀахохьош, республикерча юртий, шахьарий экологен хьал лорадеш йола хӀамаш массайолча моттигашка, гӀишлошка оттае лерхӀ. Боккха лерхӀам болча цу балхо вай хиш, лаьтташ, фо цӀена лоаттадергда, тӀехьа тӀайоагӀача тӀехьенна дуташ дола Ӏалам цӀена хулийтаргда.