Къахьегама оагIонца дувзаденнараш боагг1ача боараме хилийтара тIехьа, къахьег мехка
РФ Президента СКФО полпред волча Чайка Юре кулгал деш, дIайихьача кхетаче къахьегамца дувзаденнараш боаггIача боараме хилийтарах дийцар. Болх бар бокъоно дIадеххача тайпара хила деза, иштта къахьийгарий алапи а ханнахьа дIалуш хила дезилгах дийцар. Карарча хана вай мехкара цу оагIонцара хьал боаггIача боараме да. Къахьегама гIулакх хила деззача тайпара дIадодаш да, къахьегар Iаьдала дIадеххача тайпара чIоагIдар 8, 4% -тIа латт.
«Из гIулакх бокъонах хила деззача тайпара дIагIоргдолаш болх лоаттабаро дикка пайда баьб тахан – бахархошца къамаьл дар, бизнеса хIама тоадар, зIамигача, йоккхача бизнесага гIолла болх бе моттигаш хилийтар, цу оагIонцара болх бокъонга диллача хила беззача тайпара тоабар», - белгалдир вай Мехкадас цу гIулакхах дувцаш.
Иштта, алапи ханнахьа дIателара болх а меттабоалабаьб мехка. Шахьара комиссецара болх дикка чIоагIбе, ханнахьа доагIар дIалуш боацача болх лоаттаберашца кхетаченаш дIакхухьаш, тоаде лерхI из хIама. Болх бар боаггIача боараме хилийтара тIехьа дикка къахьегарда мехко дIахо а.
