ГӏалгӀай мехка турпалий таьзеташ хилар
24.01.2025 21:47
Йоккхача-Ачалкхера, Наьсарера ши бӀухо дӀаволлаш таьзеташ хилар вай мехка. Уж бар Аькхенаькъан Мухсамбек, Бузуртанаькъан Хас-Мухьмад, цар шоай вахар дӀаделар лаьрххӀача тӀема операце мугӀарашка латташ.
Кодаме баха хилар ГӏалгӀайчен хьалхара вице-премьер Йовлой Мухьмад, иштта Парламента керте латта Тӏумхой Мухьмад. Турпала дезала енача цу халача хана юкъе дакъа лоацаш, царца из гӀайгӀа екъаш бар тайп-тайпарча министерствай, боахамий викалаш, депутаташ.
Йовлой Мухьмада, ГӏалгӀайчен Кулгалхочун цӀерах, загӀанна лаьрхӀа ахчанца новкъостал дир цига, моллагӀа а вахаре этта дола хаттараш кхоачашдара вай Ӏаьдал кийча хилар а белгалдир.
