ГӀалми, Эса яха хиш техкар; Ӏаьржача хих лорабалар духьа
ГӏалгӀайчен Ӏалама тароний Министерствон викалаш, «Дагводресурсы», иштта Малхбузен-Каспийска хин урхаллен викалаша тохкама болх дӀабихьар; ГӀалми, Эса хиш долча Тӏой-Юрта, Галашка, яхаш, дийцар «Сердало» газетага лаьрххӀа болча хоамо.
«Цун керттера маӀан дар хиша бахархошта зе дергдоацаш, иштта хин бердий, кӀийлен хьал довза дагахьа, хиш чакхдалара йола таронаш Ӏомаяр», - аьлар хоамо.
Говзанчаша гучадаьхар берда йистош чухарцара кийча хилар, цун кӀийле насосаш бахьан долаш хьалъайенна хилар. Эса хьалхарча аргӀагӀа цӀенде лаьрхӀар, из болх дӀахьоргба 2025 шера.
ГӀалмецара хьал чоалханегӀа да, цу чу гӀишлон балхаш деш совъяьнна нувхаш чукхувсаш хиларах, из готтагӀа хулаш доагӀа, ӀодоагӀаш дола хий а кӀезигагӀа да. Из дош тӀехьара тӀа тӀахьожам лоаттабераша тахка дезаш да.
