«ЦӀена шахьар» яха экологе болам дӀахьош ба
ГӀалгӀай мехка кӀаьнкаш а йиӀигаш а Ӏомабу, зӀамига болча хана денз, гонахьара Ӏалам лораде. Илдарха-ГӀалан №3 йолча юкъерча ишкола дешархой «Эколята» яхача юкъарча болама чубоагӀаш, каст-каста доазонаш цӀендеш хул, шоай ишкола гонахьара, яхаш, дийцар «Сердало» газетага цу юкъе хиннараша.
«Боккхача безамца ишкола даькъ тӀа лостам бир Илдарха-ГӀалан №3 йолча юкъерча ишкола дешархоша. Из бехктокхаме гӀулакх дезаделар дукхача берашта. Хьехархоша яхачох, царех дукхагӀбараша кхетаду, гонахьара Ӏалам лорадар мел лоархӀаме да, цудухьа уж тешаш ба кхыча ишколашка а цу тайпарча дешархоша дакъа лоацаргда аьнна», - йоах хоамо.
Белгалдаккха деза, «ЦӀена шахьар» яхача боламе кхувшбоагӀарашта шоай шахьар цӀена лелаяра дика масал луш хилар, иштта уж тӀахьех къахьегама тӀера хилара.
