«Ӏалама тӀахьожам лоаттабеча оагӀон къахьегамхой, шахьарера администраци, Горсовета депутаташ, иштта кхыбола болхлой юкъе болаш, дӀабихьача балхо шахьаре гӀолла чакхдаьнна додача Шолжаца дувзаденна 37 кхоачамбоацар, хина зе дераш гучадаьхар», - йоах тхогарча хоамо. БӀеха хиш дӀачуухийташ йола турбаш гучаяьннай.

Экспертиза яьккхача, хий бӀехдаьлга гучадоале, доккха гӀод токхаргда цу гӀулакха бехкечар. Теркалде деза, духхьала адамаша из хий бӀехдеш, цун хьал толхадеш латта дукха шераш долга. Шолжа гаьна йоацаш гӀишлош хьалъе эттачар, куц тоадеш мел хинна цигара гаьнаш, хьеккха, дӀаяьхар. Боккъал а ма толхаде Дала хьаденна беркат!