«Къилбаседа Кавказа россеташа» вай мехка дикагӀа бола гӀирс оттабергба
«Къилбаседа Кавказа россеташ» - «Ингушэнерго» филиала болхлоша 2025-ча шера къаьнача тишъеннача трансформаторашта меттел керда, дикагӀъяраш оттае лерхӀ. 30 млн совгӀа рузкъа да цу гӀулакха лаьрхӀа къоастадаьр. ЖӀайрахьа, Шолжа, Наьсарен, МагӀалбика кхаленашка дӀахьоргба из болх.
Ялх трансформатор Наьсаре оттаергья, Илдарха – ГӀалий тӀа пхиъ, Шолжа шахьаре кхоъ, ЖӀайрахье шиъ, цхьацца МагӀалбике, Яндаре, ТӀой-Юрта, Эбарг-Юрта, Кердача Реданте, Юкъерча Ачалкхе, Инаркъе. 8 МВА низ болаш хургда тока гӀирсаш. ТӀоадал, геттара чӀоагӀа мух хилча, иштта моллагӀа бола хаоттам новкъа боацаш, боаггӀача боараме болх беш хургья керда трансформатораш.
Иштта цхьанне бокъо йоацача тайпара кулг тоха, хьайба чудала йиш йоацаш хургда керда тока гӀирсаш. 2024-ча шера 30 тишъенна трасформатораш тоаеш, керда оатхалаш оттаеш болх дӀабихьар оаха, 23 тока гӀирсаш тоадергда укх шера.
Эггара хьалхагӀа геттара тишденнараш тоадеш болх дӀабахьа беза тха, ше-ший аргӀагӀа дӀачакхбаккха безаш болх ба из», - аьлар «Ингушэнерго» филиала кулгал деча БӀархаой Рашида. 2025-ча шера тока моттигаш тоаяра тӀехьа кхеллача программан юкъебодаш болх ба из.
«Къилбаседа Кавказа россеташ» яхача оагӀоно укх шера 249 млн рузкъа хьожадаьд из гӀулакх дӀадахьа, белгалде деза, 2024-ча шера хинначул 6% дукхагӀа из долга.
