ВоӀ кхелха дог деха хьувзача наьха сагото яйе баха хилар хьалхара вице-премьер вола Йовлой Мухьмад; Мехкадаь, Паччахьалкхен администраце кулгалхочун декхараш кхоачашдеш вола Мархенаькъан Анзор, иштта кхыбола республикера хьакимаш, Парламента депутаташ.

Йовлой Мухьмада къамаьл дир Ӏалихана цӀагӀарча нахаца, эшаш мел дола гӀо де кийча болга дӀахайтар. Мехкадаьгара гӀо-новкъостал дӀакхачийтар цо, воӀ дӀаваьнна  дог деха хьувзарашка. Дала гешт долда венначох; ялсмален хьаьша ваь, тӀаэцалва Дала! Бисарашта сатоха низ-сабар лулда Кхеллачо!