БӀехдаларах лораду Наьсар яха хий
ГӀалгӀай мехка, Наьсар яха хий бӀех ца дайта гIерташ, къовсам лоаттабу. Тахан Наьсарен-Шахьаре хьалхара рейд йир, бокъонах доацаш чуяьхка бӀеха хий дӀаухийташ йола турбаш дӀайоахаш. Из хоам «Сердало» газетага бир ГӀалгӀай Республикан Ӏалам лорадераша.
«Ялх турба дӀаяьккхай. Шахьара Керттерча административни даькъ тӀа бахача наха хьалхадаьккхад, из хий бӀехдеш мел йола турбаш дӀаяха езаш хилар, царна итт ди ха еннай», - аьлар хоамо.
ГӀалгӀайчен Ӏалама Министерствос, бӀеха хий дӀаухийташ йола турбаш гучайоахаш болх бу, 2016 шера денз. Укх массехк шера 170 совгӀа турба дӀаяьккхай, хий бӀехдеш яр уж.
ДӀадахача шера, моттигашкарча Ӏаьдала болхлоша шоайла айхха бувзам лелабарах, цу тайпара йола ялх турба дӀаяьккхар.
Республикан Ӏалам лорадераша нах тӀахьех, хьамсарча мехка хIама лорадара.
ЦӀена хиш, Ӏамарч, моллагӀа дола мела хий - уж мах баь варгвоаца вай мехка таронаш я.
