Шолжа экологически хьал меттаоттадеш ба мехка
«Экологи» яхача къаман проектага гӀолла, Шолжа хьал меттаоттаде гӀерташ къахьег мехка. Из хоам «Сердалога» бир Мехкадаь зарбан болх лелабераша.
«Хин хьал меттаоттадеш йола проект соахка дӀайолаяьяр оаха. Шолж вай мехкара керттера хий да. ТӀехьарча шерашка бӀехденна, йоархӀаш яьнна, цун хьал дикка эшаденнилга гуш да вайна.
Ерригача мехкара экологен хьал толхаду цу гӀулакхо», - белгалдир вай Мехкадас, цига дӀабахьа беза болх мел лоархӀаме ба хайташ. Къахьега арабаьннаб цига болхлой.
ТӀатеӀӀа болх барах, карарча хана 3, 75 км моттиг цӀенъе аьттув баьннаб. 2024-ча шера дӀабахьа безача балхах 80% я из. Шолжа йоккха хало еш чуйижа илла 326 эзар кубометр гӀум араяьккхай цигара, иштта нувхех цӀендир мехкара керттера хий.
Шолжа кӀоаргал меттаотташ латташ хилар чӀоагӀа лоархӀаме да, цу гӀулакхо ший боаггӀача боарамца дӀадохийтаргда хий.
