«Цхьана къахьегарца, карагӀдаьлар кхо километр йӀаьха йола моттиг цӀенъе. Цигара гулдир 670 нувхий гали. ДӀадахача шера къаьстта цу моттигера 510 гали нувхаш гулъяьяр. Гуш ма хиллара, карарча шера уж дукхагӀа хилар», - аьлар «Сердало» газетага ГӀалгӀайчен экологе, Ӏалама тароний Министерствос.

Цхьабараша, шоашта салоӀача хана, сагота боацаш тӀехьа нувхаш юхеюте, шоллагӀчар, шоай мехках дог лазаш хиларах тарра, царна тӀехьара нувхаш гулъю, ши кулг вӀашка ца дуллаш къахьегаш.

Тахан цу балха хьалхабаьлар моттигерча Ӏалама Министерствон болхлой; Наьсарен, Шолжа хьун боахамий викалаш; Магас-Шахьара администраце, цӀи йоаяра центрай, мехка кагирхой гӀулакха йолча Комитета, ГӀалгӀай паччахьалкхен университета викалаш; иштта лоӀамхой тароний керттерча моттига доакъашхой.