ГӏалгӀайче дӀайолаеннай моттигашкара Ерригроссийски дешархой олимпиада
12.01.2025 11:49
«Олимп» яхача тӀех хьаькъал долча берий лицее-центре, хьайийллар моттигера Ерригроссийски дешархой олимпиада. Цига дакъа лоацаш хургба 9-11-ча классашка вагӀа 2 эзар дешархо. Уж ба шоаш деша багӀа моттигаш чуйоагӀача доакъош тӀа котбаьннараш, совгӀаташ даьхараш.
Наджгоанцхой бетта 11-ча дийнахьа олимпиада дӀайолаю искусствох (денен исбахьален культурах). Кхы а хила дезаш да тайп-тайпарча 23 Ӏилмах дола олимпиадан къовсамаш. Тӏеххьара ди да саькура бетта 28-гӀа ди.
ГӏалгӀай Республика Правительствон зарбан болх лелабераша яхачох, диъ шера леладе бокъо йолаш дола дипломаш царга хиларах, лакхерча дешара моттигашка цу специальностех деша отта йиш йолаш ба уж.
