Къаман кердача проектага гӀолла, наькъаш тоадеш болх дӀаболабаьб
24.01.2025 09:34

Наьха вахара хьал тоадеш йолча къаман проектага гӀолла, хьалхара балхаш дӀадоладир мехка.
«Шолжа-Шахьар- Горагорск- МагӀалбик» яха 2,3 км никъ тоабе арабаьннаб тахан болхлой. 2025-гӀа шу чакхдалалехь, йистебаьнна хила безаш ба из болх, вай мехкадас Келаматанаькъан Махьмуд-Ӏаьлас белгалдечох.
Бакъда наькъий гӀулакхех йолча Министерство ший болх боаггӀача боараме дӀахьош хиларах, йиллача ханал хьалха кийча хила мегаш ба никъ. 70 км машина наькъаш да вай республике укх шера тоадаь йистедаха лерхӀараш.