«Кхоачашъеш хиннай «ЧӀоагӀача хӀара деннарча нувхашцара хьал», «Тамашийна хиш лорадар», «Хьу лораяр» яха федеральни проекташ, «Экологи» яха къаман проект. «ЧӀоагӀача хӀара деннарча нувхашцара хьал» яхача федеральни проекта чудоагӀаш, доал деча моттигашка латтаргйола чӀоагӀа нувхаш гулъяра 2289 контейнер ийцай. ГӀалгӀайчен Кулгалхочо чӀоагӀдаьд диъ наькъа карта, чӀоагӀа нувхаш юхакъоастаяра хьал аттача даккхара», - аьлар къамаьла юкъе.

Уж хаттараш кхоачашдара юкъеяьккхай хьалха хьакхоачаш ца хинна моттигерча оператора техника, кхы а хьаэцаш латт эшаш йола контейнераш.

ЧӀоагӀа нувхаш къаьстта лелаяра дола хьал аттача даккха гӀерташ, Йоккхача-Ачалкхе гӀишло хьалъеш я, цунна чудоагӀаш хургда уж чакхъяхар, цаэшараш хьакъоастаяр, уж лаьттах йохкар.

Иштта Паччахьалкхено бахача наха цох луш бола мах лакха хургбоацаш чӀоагӀача коммунальни нувхех бола боарам оттабаьб, уж дӀаяхьар маьха чухьнахьа хургдолаш. Моттигера оператор яха цӀи еннай «ЦӀена дуне» ООО, цхьан шера йолча хана.

«Хьунаш лораяр» яхача федеральни проекта чудоагӀаш деррига гӀулакхаш кхоачашдаьд, цу юкъе: хьу меттаоттаяра дола доазув дукхагӀа даьд 140 гектара, хьунагӀа яьнна цӀи йоаяра йола автоцистерна, 17 цӀи йоаеш бола гӀирс ийцаб.

«Саг чу ца вагӀа авиацен хьалаш» яхача къаман проекта чудоагӀаш, цу тайпара авиаци дукхагӀа хилийтара моттигера проект я кхоачашъеш, кхоъ пилот чувоаца гӀирс ийцаб (БАС), цар чу йӀовхал зувш дола гӀирсаш латт. Цу тайпара таронаш хиларо сихагӀа а дикагӀа а хьунашкара хьал довзара бола болх дӀабахьар аттача доаккх.

Экологически балхаш дӀадахьара лоархӀамеча декхарех цаӀ да, цу гӀулакха эша каьхаташ кийч а даь, Илдарха-ГӀалий тӀара нувхаш дӀакхувсаш дола доазув цӀендаь, лаьтта кӀалтӀатохар.