2024-ча шерара хьунаш меттаоттаяра болх дика чакхбаьккхар
20.06.2025 09:09
2024-ча шерара хьунаш меттаоттаяра болх бизза кхоачашбир вай мехка. Цох лаьца дийцар, Ӏалама гӀулакхех йолча министерствос гойтама оагӀонца гӀолла Рослесхоза кулгалхочун Венглински Алексея хьалхаленца дӀайихьача кхетаче.
Хьун хьал меттаоттадеш дӀакхахьа безача балхах дийцар цига. 2023-ча, 2024-ча шерашка цу оагӀонца коачашде аьттув баьннарех хьоахадир.
Вайцигара цу кхетаче дакъа лоацаш хиннараш бар министра гӀонча вола Ӏарчакханаькъан Ахьмад; хьун гӀулакхех, хьун тӀахьожам лоаттабарах долча гӀулакхашта хьалхале лелаю Хазанаькъан Мухьмад.
Хьун хьал меттаоттадеш, вай мехка болх дӀабихьа доазув 140 га кхоачаш да: гаьнаш дӀайогӀаш болх дӀабихьар - 26 га; хьун хьал ше меттаоттаргдолаш гӀо дар - 114 га.
