ГӏалгӀайчен кхаь хьунагӏа, меттаоттаяра балхаш чакхдаьхар
Даькъ тӀарча хьу лораяра хьун хаьхоша, инспектораша, иштта Рослесоцзащита филиала говзанчаша дӀабихьар республикан хьун кхаь даькъ тӀара болх. Уж яр Ӏаьлий-Юрта, Илдарха-Гӏалий тӏа, МагӀалбика даькъ тӀара хьунаш. Цига балхаш дӀахьош, говзанчаша эшача моттиге хьу меттаоттаяра болх дӀабихьар, цхьа йолча моттиге искусственни а.
«Пхе даькъ тӀа говзанчаша боккъонца хьу меттаоттаяра болх бир, Ӏалама бехках нийсденна хьал тоадара. Илдарха-Гӏалан хьун даькъ тӀа ши моттиг яр хьу тийда, хӀаьта МагӀалбике кхоъ дакъа дар даьсса.
Ӏаьлий-Юртарча хьун даькъ тӀа яьсса моттиг йолча из меттаоттаяр могадаьдац, хӀана аьлча уж лаьтташ юрта йистера кхаш лоархӀаш да», - аьлар ГӏалгӀай Республикан Ӏалама Министерствос.
Хӏанз йистедоалаш латт диълагӀча, Кердача Реданта хьун даькъ тӏара балхаш.
