СалоӀа денош долаш, вай мехкарча хишта юхера моттигаш цӀенъергья
ГӀалгӀай мехка, хьатӀадоагӀача салоӀача деношка, ГӀалгӀай Республикан Шолжа кхалерча хин йистошка лостам бе лаьрхӀад, наха хьа а кхухьаш, Ӏомоассаяьча нувхех из моттиг цӀенъеш, яхаш, дийцар «Сердало» газетага мехка Ӏалам лорадераша.
«ДӀадахача салоӀача деношка, Шолжа кхалерча Эса хин йисте, Ерригроссийски «Россе Хий» яхача болама чудоагӀаш, Ӏалама шоатта ди дӀадихьар, цига дика дакъа лаьцар моттигерча администраце болхлоша, бахархоша.
Цу тайпара бехктокхаме болх дӀахьош, цар гулдир 583 нувхий гали. Бакъда иззал дукха нувхаш Ӏалама хозача моттиге хиларо гӀайгӀане верзаву, нах беций Ӏалам лораде дезар?..» - йоах хоамо.
ГӀалгӀай Республикан Ӏалама Министерствон болхлоша мехка бахархой, хьаьший тӀахьех; нувхаш шоашта тӀехьа дӀаяхара, шоашкара хоза масал гойтара.
