ГӏалгӀайчен доазон тӀа меттаоттайир михо толхаяь 70% ток
ГӏалгӀай мехка дӀахо дӀахьош ба чӀоагӀа мух баларах республике нийсденна хатараш дӀадахара болх. Мехка Кулгалхочо Келаматанаькъан Махьмуд-Ӏаьлас цу даькъ тӀа беча балха хьакъехьа долча тӀеххьарча хоамех дийцар.
ЧӏоагӀа мух баьлча, догӀаш доагӀаш хиларах Ӏаьдало лаьрхӀар электроэнерги дӀайоае, токаца дувзаденна чоалхане хьал оттаргдоацаш. Укх ханага кхоачаш, энергетикаша зе хиннача кхалешкара 70% болх юха меттаоттабаьб.
Болх дӀахьош ба ден-бус. Шахьара болхлоша наькъаш цӀендеш латт, михо херцаяьча гаьнех, ткъовронгех. Ший аргӀагӀа Мехкадас тӀадиллар Паччахьалкхенна эттача хьалах йола республикан хӀара юртара отчёт яр.
«Баркал ала лов доал дара даькъ тӀарча кулгалхошта, мехка энергетикашта, иштта кхыдола гӀулакхаш леладерашта; сиха а дика а цар болх дӀабахьарах, из хьал са теркама юкъе да», - аьлар ГӏалгӀайчен Кулгалхочо.
