Газ чуюллаш бохабаь 23 урам тоабеш, болх дӀахьоргба мехка
20.01.2025 20:27
Тишъенна газа турбаш хувцаш бохабаь 23 урам тоабеш, болх дӀахьоргба республикерча моттигашка. БӀаьстан шоллагӀа бутт болабалале; чакхдаха дезаш да МагӀалбике, Шолжа-Шахьаре, Наьсаре дӀахьош дола балхаш.
Из хоам «Сердалога» бир Мехкадаь зарбан болх лелабераша. Газа турбаш хувцар, лаьрххӀа машинаш араяьха, дӀахьош боккха болх ба. Цхьайолча моттигашкара наькъаш дохаде дезаш хул, из болх беш. Сатохаш, сабаре хилар дех хьакимаша бахархошка.
«Наькъий хьал боаггӀача боараме, кхерам боацаш хилар лоархӀамеча декхарех да», - белгалду вай мехкадас Келаматанаькъан Махьмуд-Ӏаьлас. 250 километрага кхоачаш йола газа турба тоаеш, керда турбаш чуйоахкаш болх чакхбаккха лерхӀ вай республике.
