«Турпала никъ» яхача программан доакъашхой харжар чакхдаьлар
СВО доакъашхой республикерча паччахьалкхен моттигашка болх бе хоржаш йолча «Турпала никъ» яхача программа болх чакхбаьлар.
Мехкадаь зарбан болх лелабераша белгалдечох, программан юкъе дакъа лаца дехар чуденнараш 174 саг вар, царна юкъера 50 саг кхаь бӀалах чакхваьннав: дӀаязваларах, хаттарашта жоп даларах, дагаваларах.
Юкъарча оагӀонцарча балхах йолча кхела 9 саг хьакъоаставаьв цу юкъера, «Мужече» яхача спорта ишколе дешар чакхдоаккхаш хургба уж. Кхы а 32 саг ва цу оагӀонца теркалваьраш.
Вай Мехкадас Келаматанаькъан Махьмуд-Ӏаьлас белгалдир, программан доакъашхой мехкарча доал дара моттигашка лоархӀаме дакъа дӀалоацаш хургболга. «ДӀахо, мехка хьал тоадара наькъашка къахьегаш, цу оагӀонцарча балха юкъе белгалбоалаш хургба уж», - аьлар мехка Кулгалхочо.
Белгалде деза, цу программага гӀолла тайп-тайпарча моттигашка доал де, лоархӀаме болх дӀабахьа, мехка боккха пайда беш, накъабоалаш дӀахо къахьега, таханарча вахаре йизза моттиг дӀалаца уж Ӏомабергболга. Дешара программан юкъе я лекцеш, Ӏомабалар, РАНХиГС Лакхерча ишколо вӀашагӀъаехка онлайн-кхетаченаш.
