Аьлтий-Юртара хий хьалу моттиг тоаяь яьннай

Республике йистедаьлар Альтий-Юртара хий хьалу моттиг тоаяра балхаш. ГӏалгӀайчен хица Ӏалашо еча керттерча моттигех цаӀ я из.
ГӏалгӀай Республикан Кулгалхочун, Паччахьалкхен зарбан болх лелабераша яхачох, из гӀишло кастлуш болх бе йолалургья. Тӏаккха, Буро кӀалха, ГӀазе-Коа, Наьсаре бахача наха хицара паргӀато хургья; цул совгӀа, хин дикал а лакхагӀа хургья.
Из хий гулдеш йола моттиг тоаеш, кхы а тӀехьара тӀа 10 моттиге бурув техад, хӀарадар 160 метр кӀоаргал йолаш да. Цар 24 эзар кубометр цӀена хий лоаттадергда.
«Белгалдаккха лов, хица Ӏалашо ю керда чоалх, таханарча хано дӀадеххача беса а тешаме а я. Из бахьан долаш, еха моттиг а нийслургьяц, ахкан хана хий дукхагӀа эшача, дукхагӀа низ тӀабодача заман чухь», - аьлар ГӏалгӀайчен кулгалхочо Келаматанаькъан Махьмуд-Ӏаьлас ший бувзама оагӀошка гӀолла.
Тӏатоха лов, из проект «Цӏена хиш» яхача федеральни проекта чуйоагӀаш хилар. 2022 шера дӀайолаяьча гӀишлонга дӀадахад 850 млн сом.