ТӀема доакъашхой сквера доазув тоадара 2021 шера, «Шахьара дика хьалаш» яха федеральни проект кхоачашъеш, дакъа лоацаш вар ах бӀаь саг.

Уж бар мэре болхлой, шахьара совета депутаташ, хӀарман, кагирхой советий доакъашхой, лоӀамхой, дешара моттигий - «Хьалхарчар Болама» хинар дараш», - аьлар хоамо.

Хьалхарча аргӀагӀа тоаде дезаш дола доазув белгалдеш, кхадж тассарах дика новкъостал хул. Барт болаш, тайп-тайпара балхаш дӀадихьар цу доазон тӀа.

Шахьара кулгалхочо Дидиганаькъан Ахьмада цу юкъе дакъа лаьцар, баркал аьлар цига мел хиннарашта. Цо белгалдир из салаӀара йола моттиг хоза кийчъяь хилар; цига салаӀа, шоай мукъа ха дӀаяхьа безам болаш дукха нах хилар; дӀахо а доал деча даькъ тӀа цу тайпара доазув тоадеш дола балхаш дӀадахьа дезаш хилар.