ГӏалгӀайчен хьунашка фуд хьожаш болх бир
Ший ханнахьа хьунашкара санитарни хьал довзара, моллагӀа дола кхоачамбоацар нийслуш моттиг яле из юстардаккхара Рослесзащита филиала говзанчаша хьалхара дӀабихьар 13,1 эзар гектар доазув тохкаш болх, яхаш, хоам бир ГӏалгӀай Республикан Ӏалама Министерствон зарбан болх лелабераша.
2025-ча шера дӀадоладелар ГӏалгӀайчен хьун хьал довзара балхаш. Республикан хьун хьал хьунпатологически боарам юкъерачарех болаш хиларах, цу тайпара хьун хьал довзара дола балхаш кхо шу массаза дала ду.
Балхаш дӀахьу Наьсарен, Шолжен шийтта даькъ тӀа. Укхаза техкад мах болча фух йолча хьун хьал, царех я поп, кавказски пхаьн, кхахььэсти.
Цул совгӀа, Наьсарен хьун 415,2 гектара тӀа, Илдарха-Гӏалан хьун даькъ тӀа тӀехьара тӀа фуд хара дола балхаш дӀадихьад.
Хьун балхаш дераша яхачох, хьал иштта да: каст-каста хувцалуш йола йӀовхал-шелал, 2025 шера вегитационни ха эттача денз, Ӏаткъа хила тарлуш я дегӀайоагӀаш йолча организмашта.
Карарча шера дукха зулам деш йола оагӀонаш хьахила тарлуш я, из Ӏаткъаш хургда ГӏалгӀайчен хьунашта», - аьлар Ӏалам лорадераша.
