«КӀимарса бетта шоллагӀа ах бутт - из эггара чӀоагӀагӀа цӀи ялара кхераме йола ха я. Таьрахьаша яхачох, 15-ча денгара кӀимарса бетта 30 денга кхаччалца, цӀераш ювла моттигаш дукхагӀа нийслу.

Шолжерча хьунашка цӀи яргйоаца балхаш леладеча моттига болхлоша, Шолжа кхален доазон тӀа цӀера кхерамзлен Ӏалашо еш бола хоам тӀаболаш дола улгаш оттадаьд. Цар иштта цӀи ялара кхерам болаш йолча моттигашкара никъ дӀакъайлаб», - аьлар мехка Ӏалама Министерствон хоамо. Цул совгӀа, хьалхагӀа а дӀабихьаб хьун наькъаш цӀендеш бола болх, цо таро хулийтаргья цӀи яьннача моттиге хьатӀайоагӀача машений хьалаш аттача даха.

Республикан бахархошка, хьаьшашка аргӀанара хоам дӀакхачийтаб, цӀи ялара кхерамзлен бокъонаш цар лораергйолаш. Иштта, хӀара шера дӀахьу из лоархӀаме декхар кхоачашдара бола хоамий болх.