«Росхьулораяр» яхача ФБУ болхлоша ГӏалгӀайчен хьунашкара хьал техкар, цар яхачох из хьал во а дац», - аьлар республикан Ӏалама Министерстве.

ЛаьрххӀа бола болх бир МагӀалбика, Наьсарен хьунашкара хьал тохкаш. Хьун гаьнашта лазар кхийтта е зулам хинна моттиг гуш яцар, из дегӀайоагӀача даькъ тӀа кхыйола белгалонаш а яцар. ЛаьрххӀа йола хьун моттигаш малагӀча хьале я хьежар хьун говзанчаш, ший тайпара цӀераш йола, наггахьа мара йоаца гаьнаш дегӀайоагӀаш йий а хайра царна.

Таханарча дийнахьа царна новкъарле йолаш моттиг яц, хьу телхаеш, цунна говзанчаш оарцагӀбала безаш а дац хьунагӀара хьал. Хетаргахьа, из дувзаденна да дукха догӀаш лаьтта хиларца, хьалха санна зӀамига зуламхой цига цахилар бахьан из да. Иштта дале а, гуйре юкъекхаччалца тӀахьожам лоаттабергболаш ба хьуна.