Хьунашкарча акха хьайбашта лазар хургдоацаш, молхаш етт
ГӀалгӀайчен хьунашка хӀара шера, оакхарий цамогаш хургдоацаш, маьхий тохара болх дӀахьу. Хьайбай лорашца цхьана республикан чарахьал деча даькъ тӀа из болх дӀахьош ба, яхаш, дийцар «Сердало» газетага мехка Ӏалам лорадераша.
«Укх кӀира, ГӀалгӀай Республикан Ӏалам лорадара Министерствон болхлой ЖӀайрахьа кхален хьунашка маьхий тохаш хилар.
Из ший тайпара, хьайбаш Ӏехадеш долча ялатага гӀолла деш да, лаьрххӀа йола чӀоагӀа хьадж а йоагӀаш. Из ялат хьайбашта чӀоагӀа дезаш долча хьаьнача даарах латт: хьайбай хьоаналах, дулха тӀехках, чкъаьарах даьча хьоарах. Цу дааро ший чӀоагӀача хьажа тӀадоаладу моллагӀа дола аькха», - аьлар хоамо.
Из даар пайдана да моллагӀа долча хьайбанна, кхера везаш вац хьайбашта цох зе далар. Унзарча лазара духьалъотта могаш, бӀарчча шера оакхарий дегӀацара низ а чӀоагӀбенна хургба. Уж даараш, республикан хӀара кхален доазонаш тӀа цхьацца бӀаь Ӏодилла лаьрхӀад.
