Берашта лаьрхӀа ворхӀ майдилг, спорта гӀулакха ши доазув къоастадергда Магасе
13.01.2025 10:26
Спорта лаьрхӀа а берашта ловза а доазош къоастадеш, уж моттигаш боккха болх дӀахьош тоаеш, къахьега лерхӀ республике укх шера. 2025-ча шера ворхӀ моттиг кийчъергья берашта ловза, ха яккха, иштта спорта лаьрхӀа тоае лерхӀ ши моттиг. Из хоам «Сердало» газетага бир Магасерча мэре зарбан болх лелабераша.
Белгалде деза, дӀадахача шера Магасе берашта лаьрхӀа бархӀ моттиг, спорта лаьрхӀа ши доазув тоадеш болх чакхбаьккхалга. Берашта паргӀатта ловза, ха дӀаяхьа моттигаш хилар царех шахьаре.
Тайп-тайпара гӀирсаш оттадаь, тоайир уж. Еррига проекташ чакхйоахаш я; бахархошца бувзам болаш, цар хьашташ теркалдеш.
