Толашагӏа болча хьинардарий, хьехамчий цӏераш яьхар «Хьалхарбарий Преме»
«Хьалхарбарий Преми» яхача моттигерча проекте котбаьннарий цӏераш яьхар вай мехка. Берий театра доазон тӏа йоаржаяьча кхетаче; гулбеннабар берригача мехкара «Хьалхарбарий болама» хьинар дола дешархой, хьехамчаш, куратораш.
Къонача артисташа бӏарчча программа кийчъяьяр цига. Хӏара денна къонабарашта шоай начӏал доаржаде гӏо деш болча къонабарашта къаьстта терко йир цига. Хьехархошта, кураторашта Мехкадаьгара лоархӏаме грамоташ елар.
Эггара толашагӏбараш хоржаш, кхетаче яр ала деза цох. «Укх шерара хьинардар» яхача оагӏонца котало Тӏой-Юртарча № 3 йолча ишколерча Мерешканаькъан Ӏаддал-Рахьима кхаьчар. Эггара толашагӏа бола оагӏув Магӏалбикерча № 20 йолча ишколе хилар, хӏаьта толашагӏа йола куратор Тӏой-Юртарча № 1 йолча ишколера Гаданаькъан Диана я, аьнна, белгалйир.
«Укх шерара хьехамчаш» яха цӏи елар Кхоартой Хадена (Ӏаьлий-Юртара № 1 йола лицей), толашагӏа йола куратор Буро кӏалхарча № 3 йолча ишколера Доврбиканаькъан Зарета я аьлар, хӏаьта «Толашагӏа йола тоаба» яхача оагӏонца Магӏалбикерча № 20 йолча ишколера «Сийрда доага дегаш» яхараш котбаьлар. Царех хӏара совгӏата хьалха дукха, хьинаре къахьийга бетташ латт, эзараш дика гӏулакхаш. Хӏаьта котбаьннарий гӏулакх цу тӏа соцаш дац, уж дӏахо а вай къаман вахаре дукха къахьега, доккхий дикаш кхолла лаьрхӏа ба.