Мехкадаьцарча телевидене гӏолла хургдолча къамаьлага кийчлуш, хаттараш хьатӏаухаш латт
Мехкадаьцарча къамаьла юкъе дакъа лаца дагахьа, бахархошкара тайп-тайпара хаттараш да хӏара денна хьатӏаухаш. Хьатӏадоагӏача ерача дийнахьа, лайчилла бетта 19-ча дийнахьа, нийсса пхи сахьат даьлча хургья цу оагӏонцара кхетаче. Из хоам тхога бера мехкадаь, Паччахьалкхен зарбан болх лелаберашкара.
Дукхагӏа дола хаттараш наькъий хьалашца; ЖКХ, вахара оагӏонца дувзаденнарашца; иштта дешарца, унахцӏенон гӏулакхашца дувзаденна да. Терко ца еш дусаргдац цхьаккха хаттар.
Эфире гӏолла дашха ца кхийна хаттараш ше-ший оагӏонцарча министерствошка дӏакхоачийтаргда, боаггӏаш бола болх дӏахьоргболаш. Мехкадаьга ший хаттар дӏадахьийта йиш я +7 (928) 795-78-78 номерах MAX а Telegram а оагӏонашка гӏолла, иштта «Республикан кулгалхочунга хатта» яхача чат-ботага гӏолла Telegram (@lӏnӏya06_bot). Бахархошта хьалхадоаккх, хаттараш хоамаца е видеороликага гӏолла мара луш доацилга – цу номерах дӏатеха телефон хьаэцаш яц.
Нийсача така балхага хьажа аьттув ба «ВКонтакте» мехкадаь керттерча оагӏонга гӏолла, иштта «Магас» телеканала эфире гӏолла. Цул совгӏа, 88.8 FM. оагӏонга гӏолла радиога ладувгӏа йиш я.