Бокъо йоацача моттиге, нувхий гувнаш гучадаьлар МагӀалбике
22.08.2024 14:49
Шоай болх дӀабахьа арабаьннача Ӏалама гӀулакхех йолча Министерствон болхлошта, гучаяьлар МагӀалбике бокъо йоацача моттиге йоаржаяь нувхаш. Из хоам «Сердалога» бир цу моттигера.
«Бокъо йоацача доазон тӀа нувхаш дӀакхувсар, мехкарча Прокуратурага дӀахайтар Ӏалама гӀулакх лорадераша, цу оагӀонцарча гӀулакхашта тӀахьожам лоаттабе безараш бехктокхаме озаргболаш», - дийцар тха газетага.
Кхаьч-кхаьчача йоаржаеча нувхаша Ӏалама, экологеннга доккха зе ду! Вай садоахаш дола фо, хиш, лаьтта бӀехду цар, цунга хьежжа, наьха унахцӀенон хьал а эшадала тарлу.
