СВО ветераний Союза моттигерча оагӀон кулгалхочунца Томбенаькъан Мовсарца кхетаче дӀайихьар паччахьалкхен гӀишлой балхах, бокъонех йолча комитета хьалха латтача Гаданаькъан Ислама. Иштта цига дакъа лоацаш хилар ветераний Союза кулгалхочун гӀонча Келаматанаькъан Мухьмад, гӀалгӀай парламента депутат вола Дзортанаькъан Абукар, Шолжа шахьарерча горсовета депутат Къоастой Ӏумар.

ВӀашагӀкхетаре гулбеннараша дийцар ветеранашта, цар дезалашта гӀо лоаттадарах, кагирхой дегашка Даьхенцара безам чӀоагӀбеш болх дӀакхахьарах.

«СВО ветераний Союз» яха майдилг енна ва Гаданаькъан Ислам, цу оагӀонцара болх бехктокхаме дӀабахьарах. ЛДПР парте кулгалхо волча Слуцкий Леонидагара грамота елар цо ветеранашта а СВО доакъашхошта а гӀо лоаттадара тӀехьа лоархӀаме дакъа дӀалоацаш волча Томбенаькъан Мовсара.