Наьсаре видеотӀахьожам бергбола камераш оттаеш латт
24.01.2025 21:51
Шахьаре 15-тта керда видео-тӀахьожама камера оттаяьй, кастлуш кхы а 20 оттае лаьрхӀад. Наьсарен эггара халагӀча моттигашка увттаеш латт уж.
Мэре зарбан болх лелабераша яхачох, видеотӀахьожам бара чудоагӀаш хургда шахьара юкъарча моттигий дакъа, цунца ба Ӏам, сквераш, аллеяш.
Белгалду, дӀадахача шера оагӀой бетта, Наьсарен шахьара мэра Оздой Руслана хоам баьбар, шахьаре 30 гаргга камера оттаергья, аьнна. Цул совгӀа, цо аьннадар, царца болх беш бехктокхаме саг а хургва.
