«Карарча шера лоархӀамегӀа долаш нийсденнар: РФ Президента 2024 шерара хоржамаш долаш 450 гаргга тӀахьожаш хургбола нах кийчбир юкъарча балха даькъ тӀа. ГӏалгӀай республикан Юкъарча палато цаӀ йола штаб вӀашагӀъеллар, хоржамаш дика дӀадахьа лаьрхӀа. Тушола бетта 15-ча денгара 17-ча денга кхаччалца дийнахьа а бийсан а хоржамий даькъ тӀа гойтама гӀирсага гӀолла беш бола болх дӀабихьар.

Иштта Юкъарча палато эггара йоккхагӀа йола республикан кхетаче дӀайихьар - «Юкъарло», цига баьхка хилар ерригача моттигашкара юкъарлон викалаш. Цу балха лакха мах оттабир РФ Юкъарча палато, иштта ГӏалгӀайчен кулгалхоша», -аьлар цига дакъа лоацаш хиннараша.

Цул совгӀа, кхетаче дакъа лоацаш хиннача палатан доакъашхошта, ГӏалгӀай Республикан Кулгалхочо совгӀаташ а луш, баркал аьлар.

Ардара бетта 4-ча дийнахьа Юкъарлон палата йийха хилар, тайп-тайпарча къамий культурай викалаш вӀашагӀкхетача. Цига бар эрмалой, гӀуозлой, таджикий, узбекий, афганций викалаш. Цар шоашта хетар аьлар вай республиках, шоайла бувзам лелабарах.

Лайчилла бетта 23-ча дийнахьа Халкъашта юкъера наьна ди дар, палатан викалаша даькъала

бийцар лаьрххӀача операцен доакъашхой, иштта боккхача дезалий ноаной. Ха яха ноаной болча, палатан болхлой цӀагӀа дӀабахар. Баркал аларал совгӀа, совгӀаташ а делар, «Наьна когашта кӀалха я ялсмале» яха майдилгаш, совгӀата кийчдаь хоза тӀормигаш делар.

Белгалдаккха деза, ГӏалгӀай Республикан палатан доакъашхой даим дакъа лоацаш хул гергача истолашка, конференцешка, цига хьалхадоах керттера вахара дешаш.

Шу чакхдоалаш хиларца дувзаденна палатан цхьаолча доакъашхошта «Дика къахьегарах» яха майдилгаш елар. Цул совгӀа, совгӀаташца безбир юкъара боллх бераш, паччахьалкхен болхлой. Уж вар 28 саг.

Юкъарча палатанна, цхьаболча доакъашхошта дика вахара хьал дӀадахьарах, иштта дика къахьегарах баркал оалаш, грамоташ а елар.