ГӏалгӀайчен Парламенте кхетаче дӀайихьар, моттигерча доал деча Ӏаьдала балха хетаяь
Яьржа кхетаче дӀайихьар; моттигерча доал дара даькъ тӀа дӀахьош болча балха, къаман политиканна, юкъарлонца бувзам лелабара, дин гӀулакхаш леладеча организацей балха хетаяь ГӏалгӀай Республикан Халкъа Гулламе. Вице-спикера, комитета председатела Пхьаранаькъан Руслана гулбеннарашца цхьана дийцар №33-ФЗ Федеральни закон «Доал дара даькъ тӀара болх Ӏаьдала цаӀ йолча системах болаш вӀашагӀболларах».
Ше къамаьл дӀадоладеш, Пхьаранаькъан Руслана белгалдир, кердача законо цхьан тайпара моттигерча доал дара даькъ тӀара болх вӀашагӀболлар цхьан тайпара дӀадехаш хилар. Бакъда, ший тайпара социальни-экономически, къаман оамалаш йолча моттигашта таро лу шин оагӀорахьа балха кеп юкъеяккха. Тӏатоха деза хувцамаш юкъе доахаш хиларо, юртсоветаш вӀашагӀтеха хилар могаду.
Белгалдир, деррига законаш, мехка моттигий боарама каьхаташ, доал дара даькъ тӀарча балха йоагӀаш йола, 2027 шера наджгоанцхой бетта 1-ча денга кхоачаш, цу тайпара болх бара шаьръяь яьнна хила еза. Цу юкъе дийцар, йолаш йола шин боарамера болх дӀабахьара таро лорайича дикагӀа хургдар яха къамаьлаш а.
Юххера, болх чакхбоалаш, Пхьаранаькъан Руслана тӀахьийхар доал дара даькъ тӀара кулгалхой шоашта бакъахьа хетар юкъедаккхара. Царех хӀарачунга хьожаргда аргӀанарча Парламента кхетаче.
