ГӏалгӀайчен Паччахьалкхено дийцар, къахьегама бокъонаш лораярах
ГӏалгӀайчен вице-премьера Саганаькъан Индирас боахамашта юкъерча комиссе кхетаче дӀайихьар, наьха къахьегама бокъонаш лораяра дола дешаш дувцаш.
Керттера дийца дош дар, ший ханнахьа алапеш дӀалуш хилар, уж МРОТ боарамал лохагӀа цахилийтар.
Цу тайпара цхьацца йола кхетаченаш дӀайихьай, цу юкъе планах боаца тохкам а болаш, Паччахьалкхен къахьегама инспекци юкъе а йолаш. Цо сиха терко ю, наха шоай ханнахьа алапеш хьа ца луш моттигаш нийсъелча. ВӏашагӀбеллар къахьегама инспекце, прокуратуро, судо приставаша, шоайла хоам беш, сиха дӀахьоргбола болх, нагахьа санна кхоачамбоацараш нийслой.
Белгалду, республике даим хьожаш ба къахьегама закон лорадарга, цу юкъе МРОТ кхоачашъяр а долаш. Карарча шера цхьаккха моттиг нийсъеннаяц оттабаьча боарамал лохагӀа алапеш денна хилара латкъаш.
