ГӀалгӀайчен Халкъа гуллама кердача депутата ший болх дӀаболабир
ГӀалгӀайчен парламента доакъашхошта юкъерча кердача болхлочо, Бохтаранаькъан Мадинас ший болх дӀаболабир. Дуккхача шерашка юкъара болх лелабеш, «Къона эскар» яхача ерригача Россе берий-кагирхой тӀема, Даьхенцара безам чӀоагӀбарах болча болама штаба моттигерча оагӀонна кулгал деш хьайоагӀа из, иштта республикерча Къаман фронте декхараш кхоачашдеш я из.
«Республикера юкъарлен оагӀонцара болх дӀахьош, тӀема, Даьхенцарча безамах болча болама хьалха латташ, хьинаре къахьегаш никъ хьабенаб Ӏа. Тахан хьо хьалхалаттача оагӀонца кхебаьраш мехкарча моллагӀча кхетаче белгалбоалаш, хоза масал кхыбарашта гойташ ба», - белгалдир мехкарча Халкъа Гуллама кулгал деча ТӀумхой Мухьмада ше Бохтаранаькъан Мадинайга къамаьл деш.
Республикерча хоржама комиссе «ЦаӀ йола Росси» яхача партегара депутатски мандат чӀоагӀдеш болх чакхбаьккхар. Халкъа Гуллама VӀӀ кхайкарала кердача депутата балха тӀа ший моттиг хьалаьцар.
