ГӀалгӀайчен ТЮЗе хургда халкъашта юкъерча яхьашка толаш хиннарий концерт
20.01.2025 12:46
ГӀалгӀайчен берий театро тӀаэцаргба, классически ашараш локхараш. Театра сцена тӀа хургба халкъашта юкъерча яхьашка толаш хинна - виолончелист, Москверча филармоне солист Степанов Глеб, пианистка Бобрина Десислава.
Концерт дӀахьош да Къилбаседа Кавказа федеральни куран тӀа чакхйоахача кхетаченашта чудоагӀаш, из хетадаьд цӀихезача композитора Чайковский Пётра 185 шу дизара. Программо керттера теркам тӀабохийтаргба эрсий, советски ашарий тӀехьаленна, иштта кавказски композиторий кхолламашта.
Концерт дӀахьоргда, наджгоанцхой бетта 23-ча дийнахьа 15 сахьат даьлча.
