ТӀема доакъашхочоа Медаранаькъан Мухьмада, «Наьсарен-Шахьара сийдола вахархо» яха цӀи елар

ГӏалгӀайчен Кулгалхо Келаматанаькъан Махьмуд-Ӏаьла вахар Сийлахь-боккхача Даьймехка тӀема цаӀ мара воаца ветеран, Медаранаькъан Мухьмад волча. Из дувзаденна дар, «Наьсарен-Шахьара сийдола вахархо» яха цӀи цунна яларца.
Из цӀи яла лаьрхӀар РФ Президента аларах, «Котало» яхача оргкомитета кхетаче йолаш, герзашцарча низий Министерствос, тӀема ветеранашта массанена а шоаш бахача моттигашка сийдола бахархой яха цӀи ялара дош дийцар. Цо тӀахьийхар моттигашкара кулгалхой; ветеранашца кхетаче дӀаяхьара, царна баркал алара, фу эш хара, цар дезалашта новкъостал дара.
Келаматанаькъан Махьмуд-Ӏаьлас даькъалавийцар Медаранаькъан Мухьмад. Ший цунца хиннача кхетаченах дувцаш, цо белгалдир:
«Цига вахарах, са таро хилар цаӀ мара воаца вай ветеран Хасолта Мухьмад даькъалавувца. Лакха мах болаш да, боккхача тӀем тӀа советски халкъа котало йоаккхаш, вай турпалхочо ший дакъа цу юкъедихьа хилар».
Цо белгалдир, Медаранаькъан Мухьмада карагӀдаьннар доаккхал де йиш йолаш хилар.
Дӏадахача шера, ветерана 100 шу дизар, из ва ГӏалгӀайчен ханнара.
ГӏалгӀайчен халкъа цо даьча гӀулакхах, сийдола цӀи елар цунна. Даьхенцара безам совбоаккхаш дукхача кагирхошта кхетам беннаб Медаранаькъан Мухьмада, иштта Наьсаре дегӀайоалаеш а дика дакъа лаьцад. Цун сийдола цӀи ялар дувзаденна да, тӀема шерашка турпалал гойташ, коталонна ший дакъа юкъедахьарца.