«Министерстверча экологен кхерамзленахи гонахьара Ӏалам лорадарахи болча оагӀон хьалхалатта Баркинхой Адами экологен хьала тӀахьожам лоаттабеча оагӀон кулгалду Хьулахой Къоасами баха хилар цӀи яьннача. Хьакимаш хьакхаьчача хана, лотаенна кхалаж дӀайоаяь бала боахкаш бар болхлой», - йоах хоамо. Карьера гонахьара кӀур ухаш лаьтта моттигаш а лаьтта дӀатӀахьекха дӀанийсйир.

Ахкан денош хьаоттарца берригача бахархоша лакха терко е езарех да, цӀи яржара бахьанаш лорадар! Кхыметтел Ӏокхессача цӀилеторго тӀехьа, доккха хатар де йиш я аренашка, цудухьа боккъал а фийла хила, лораде вай Ӏалам!