Республикан дӀахо кулгалде харжарца, вай Мехкада даькъалавийцар Чайка Юре
ДӀахо мехка кулгалде харжарца, из даькъалавувцаш кхетаче дӀайихьар Келаматанаькъан Махьмуд-Ӏаьлаца, Россе Президента СКФО массазара викал волча Чайка Юре. Республикерча Халкъа Гулламо соцам бир, Келаматанаькъан Махьмуд-Ӏаьла дӀахо а республикан кулгалде хоржаш. Пхе шера дӀабихьача балхах, хиннача доккхача хувцамех дийцар Мехкадас массазарча викалга.
«Промышленни кхоачама хьал теркалдича, Къилбаседа Кавказе хьалхарча мугӀаре латт тхо, Россе - йиълагӀча моттиге. Укх шерара ялх бутт хьаийцача, 112,8% тӀа латт из гӀулакх. Кхоачашде аьттув баьннараш дукха дале а, дӀахо дикка къахьега дезаш доккхий декхараш, гӀулакхаш латт мехка хьалхашка», - белгалдир Мехкадас моттигерча хьалах дувцаш.
Республике дика хувцамаш хилар теркалдир Чайка Юре, белгалдир, дӀахойодача хана а федеральни оагӀоно мехка новкъостал дергхилар.
