50 кийла нажабӀараш гулде лерхӀ вай мехкарча хьун болхлоша
06.09.2024 12:09
Вай мехка хьунаш лораеча оагӀон болхлоша техкар, республикерча хьунашкара мел нажабӀараш гулде йиш я. Къаьстта цу гаьна иштта йоккха терко яр сенца дувзаденна да дийцар мехкарча Ӏалама, экологе гӀулакхех йолча Министерстве.
«Черешчатый (из цӀи цох тиллай боалийдараш санна дӀаьха конаш нажабӀарий хуландаь - ГӀ.А.) оала наж экологе лоархӀаме моттиг дӀалоацаш я. Ший низ болча, чӀоагӀача овлашца босера лаьтта телха ца телхийташ, чу ца такхийташ лоаттаду цо .
Цул совгӀа, дукха оакхарий, оалхазараш, дийнаташ даржаш моттиг я къаьстта из надж», - дийцар тха газетага. Хьунаш лораераша белгалдечох, наж ягӀача моттигашкара 50 кийла совгӀа нажабӀараш гулде йиш хургья.
