Наьсарен яхархочунна бехк бергба, бӀеха хий дӀахоттарах

АргӀанара болх дӀахьош, Наьсарен мэра Оздой Руслана гучадаьлар, во хьадж йоагӀаш хилара бахьан, из дагадоалла дукха ха яр цига бахача наха.
ГӀазданаькъан урамах яхача цхьан кхалсага, догӀан хиш дӀаухача моттигах дӀахетта хиннад ший цӀагӀара хьауха бӀеха хиш, цудухьа уж дӀакхеташ хиннад каналах. Из гучадаьнначул тӀехьагӀа, турба хьаяьккхай, из харцахьа гӀулакх деш хиннача кхалсага духьала административни лоткъам язбаьб.
«Тхо цунна гӀод теха Ӏе лаьрхӀа дац, администраце кхетаче йолаш, оаха деррига каьхаташ дӀадохьийтаргда шахьара прокуратуре, иштта РосӀалама тӀахьожам берашка», - аьлар Наьсарен мэре.