Йоккха кхалаж дӀаяьккха моттиг гойтар республикерча бахархошта
13.05.2024 10:35
2022-ча шера, дуккхача шерашка лаьтта МагӀалбикера йоккха кхалаж дӀаяьккха моттиг видеофильмага гӀолла дӀагойтар бахархошта. Из хоам «Сердалога» бир Ӏалама гӀулакхах йолча министерствос.
«30 гектар совгӀа доазув дӀалаьца илла кхалаж дӀакъовлаш бола болх «Экологи» яхача къаман проектага гӀолла дӀабихьар», - белгалдир, цох лаьца дувцаш, экологен хьал лорадарах болча оагӀонна кулгал деча Баркинхой Адама.
Биогазашта лаьрхӀа хӀамаш оттаяь, лаьттан кӀал боккха болх дӀахьош, де мел дезар деш къахьийгад цига. Кхалаж хиннача моттигашка тахан сийна буц тӀаяьннай; цхьа ха яьлча, гаьнаш, кхыйола баьцаш ягӀаш; беркате моттиг хургья цох, Дала аьннадале.
