Илдарха-Гӏалий тӏарча КДН кхетаче 10 гӏулакх техкар
03.04.2026 09:14
Илдарха-Гӏалий тӏарча мэре 18 шерга кхачанза болчарца дувзаденна 10 гӏулакх тохкаш болх дӏабихьар. Из хоам «Сердалога» бир мэре зарбан болх лелабеча Мутаӏаланаькъан Мадинас.
«Кхетаче гулбелар шахьара даь гӏонча вола Йовлой Тимур, ӏаьдала болхлой, иштта кхыбараш а. 18 шерга кхачанзачарна боаггӏача боараме тӏахьожам, терко лоаттаеш боацарий гӏулакхех дийцар цига. Диъ бера гӏулакхех гӏод техар, ворхӏ бера даьшца-ноаношца къамаьл дирЮ, де дезар хьалхадоаккхаш, цхьа бер дӏахо тӏахьожам лоаттабергболаш дӏаяздир. 18 шерга кхачанзачар бокъонаш лораяра, царна хьехам лоаттабара тӏехьа ледара хилар харцахьа доалаш хӏама долга белгалдир кхетаче.
