Ер шу доладелча денз, 37 эзар бера цаӏ дола ахча дӏаденнад мехка
Ер шу доладелча денз, вай мехкарча Россе Вахара ганза оагӏоно 37 эзар совгӏа мехкарча бера цаӏ дола ахча дӏаденнад. Хьатӏадоагӏа ахча дукха доацача дезалашта, нана берах хиннача ханагара денз бера 17 шу даллалца паччахьалкхено ду новкъостал да из. «Сердалога» из хоам бера мехкарча СФР.
Пособи хьожадара балхаца 2026-ча шера цхьацца хувцамаш да. Болх бе йиш йолаш волча дезалерча хӏара сага хьатӏадоагӏар 8 МРОТал кӏезигагӏа хила йиш яц – 216 744 сом шера. Цул совгӏа, бер дарах болхлочун цкъа луча ахчанца деш дола гӏо пособи хьожадарца кхы бувзам болаш дац.
Республике латтача алапе юкъерча борамга хьежжа хила деза, эггара кӏезигагӏа дола алименташ, судо къоастадаь хӏама ца хилча.
Цхьацца лоархӏаме хувцамаш хиннад дукха бераш долча дезала гӏулакхаца а – цаӏ долча пособе хӏама дӏаьхдеш хилча, хӏара бетта телар дусаш да, хьатӏадоагӏаш дола хӏама республике латтача юкъерча боарамал 10% лакхагӏа айденнадеце.
Цу оагӏонца дувзаденнараш довза йиш я Россе Вахара ганза керттерча сайта тӏа.