«БПЛА лаборатори» яха кхетаче дӏайихьар Наьсарерча дешархошца
Таханарча дронех дувцаш йола «БПЛА Лаборатори» яха кхетаче дӏайихьар, Наьсарерча № 19 йолча ишкола дешархошца. «Сердалога» из хоам бера мехкарча кагирхой гӏулакхех йолча Комитетера.
Урок шин оагӏонца йийкъа яр – лекци, гойтама болх. Эггара хьалхарча оагӏонца берашта дийцар саг чувоацаш гӏетташ дола гӏирсаш сенах латташ да, ӏо ца легаш, лакхе уж гӏеттийтар фу низ ба.
Дӏахо балхаца дувзаденнараш довзийтар берашта. «Квадросим» яхача гӏирсаца шоаш ӏомадаьраш чакхдаха, дикка дӏачӏоагӏде хьежар дешархой. Цул тӏехьагӏа бокъонца йолча FPV-дронашца болх дӏабахьа аьттув хилар цар, кхетаче йистейоалача хана, квадрокоптер урагӏхийцар цар.
«БПЛА лаборатори» хьакхеллай вай къонача тӏехьенна инженерни гӏулакхаца дувзаденнараш дезадалийтара тӏехьа; оператора, цу оагӏонцарча программиста, говзанча болх царна ма барра дӏабовзийта.
«Кагирхойи бераши» яхача къаман проектага гӏолла, дӏахьош курс я из. Кагирхой гӏулакхех йола комитет, Россе дронашцарча балха моттигера Федераци я цу гӏулакха хьалхаэттараш.