Наьсарера 105 моттиг оалача ухаргйолаш, 5 автобус къоастаергья

Наьсарерча Юбилейни оалача зӀамигача кхален керда автобусаш къоастаярах дийцар промышленностах, таьрахьаца дувзаденнараш доаржадарах йолча министерствон кулгалхочун декхараш кхоачашдеш волча Кокурхой А. кулгал деш дӀайихьача кхетаче.
Кхетаче дакъа лоацаш бар цу моттиге бахараш, № 15 йолча маршруткаца тахан нах дӀа-хьа кхувлаш лела водитель. Белгалде деза, цу ерригача кхален бахархой хьашташ кхоачашдеш из цхьа саг мара воацилга. Гулбеннарашка дикка ладийгӀача хьакимаша лаьрхӀар, № 105 яха керда автобус цу кхален лаьрхӀа хьакъоастае.
«Кердача автобусо чулоацаргья Юбилейни яха моттиг, завод, базар, ИРКБ, Мархьаба яха базар. «Ингуштранспорт» ГАУ яхача оагӀоно доал деш хургья уж автобусаш. Ӏуйран ворхӀ сахьат даьлча дӀайолаенна, сайран ворхӀ сахьат даллалца, болх беш хургья цу моттига къоастаяь 5 автобус», - йоах хоамо.